پہلی اور دوسری صدی ہجری کی کتب حدیث کی فہرست

پہلی اور دوسری صدی ہجری کی کتب حدیث کی فہرست

(یہ وہ کتب ہیں جو بخاری شریف سے پہلے وجود میں آئیں، لہذا منکرین حدیث کا اعتراض ہمیشہ کیلئے پاش پاش ہو جاتا ہے)

منکرین حدیث (وہ لوگ جو رسول اللہ ﷺ کی احادیث مبارکہ اور ان احادیث کو جمع کر کے لکھی گئی کتب کی اہمیت و حجیت کا انکار کرتے ہیں اور کہتے ہیں کہ ہمارے لئے صرف قرآن کافی ہے۔ ان لوگوں کے بقول احادیث کو لکھا جاناتیسری صدی ہجری میں شروع ہوااور صحیح بخاری شریف سے پہلے مسلمانوں کے پاس معتبر احادیث کی کتب نہ ہونے کے برابر تھیں، بلکہ ان کا طعنہ ہے کہ احادیث کی کتب ایرانیوں کی سازش کے تحت لکھی گئیں جن کا بقول ان کے، اسلام سے کوئی تعلق نہیں) ان منکرین حدیث میں اگر کوئی ایک بھی انصاف پسند شخص موجود ہے تو وہ تحریر ھذا کو پڑھنے کے بعد ان شاء اللہ گمراہی کے گڑھے سے نکل آئے گا۔

ذیل میں پہلی اور دوسری صدی ہجری میں لکھی جانے والی حدیث کی کتب کی فہرست دی گئی ہے یعنی یہ ان کتب کی فہرست ہے جو صحیح بخاری سے پہلے وجود میں آ چکی تھیں اور صحابہ اکرام، تابعین اور اتباع التابعین ان سے احادیث روایت کیا کرتے تھے۔ ان میں پانچ سات کتب ایسی بھی شامل ہیں جو امام بخاری کے معاصر محدثین نے تالیف فرمائیں۔ اس فہرست سے بخوبی اندازہ ہو جاتا ہے کہ تدوین وکتابت حدیث کی ابتداتیسری صدی ہجری میں شروع نہیں ہوئی بلکہ یہ کام خود سرکارد وعالم ﷺ کے زمانہ اقدس سے ہی شروع ہو گیا تھا۔
 لہذا منکرین حدیث کی آئے دن کی فضول مباحث، بیہودگی، ڈھٹائی اور ہٹ دھرمی کو اب ختم ہو جانا چاہئے۔

کتب کی فہرست ملاحضہ فرمائیے، ان میں سے بہت سی کتب اب بھی موجود ہیں۔
 سب سے پہلے یہ بات زہن نشین رہے کہ خود رسول پاکﷺ اور خلفائے راشدین نے بہت سی احادیث لکھ کر مختلف شہروں کے گورنروں کو ارسال فرمائی تھیں اوریہ کتابت حدیث ، روایت حدیث ہی کی طرح روزمرہ کے معمولات کا حصہ تھی۔

1۔ صحیفہ حضرت سعد بن عبادۃ انصاری
2۔ صحیفہ حضرت جابر بن عبداللہ
3۔ صحیفہ صادقہ (حضرت عبداللہ بن عمروبن العاص)
4۔ صحیفہ حضرت عبداللہ ابن عباس
5۔ صحیفہ حضرت عمر بن حزام
6۔ کتب حضرت ابوھریرہ
7۔ کتاب حضرت عبداللہ ابن عمربن خطاب
8۔ کتاب حضرت انس بن مالک
9۔ کتاب حضرت علی ابن ابی طالب
10۔ صحیفہ حضرت ہمام بن منبہ
11۔ کتاب خالد بن معدان
12۔ کتب ابو قلابہ
13۔ کتب حضرت حسن بصری
14۔ کتب امام محمد الباقر
15۔ کتب مکحول شامی
16۔ کتاب حکم بن عتبہ
17۔ کتاب بکیر بن عبداللہ
18۔ کتب قیس بن سعد
19۔ کتاب سلیمان الیشکری
20۔ الابواب از امام عامر شعبی
21۔ کتب امام محمد بن شہاب الزہری
22۔ کتاب ابو العالیہ
23۔ کتاب سعید ابن جبیر
24۔ کتب حضرت عمر بن عبدالعزیز
25۔ کتاب مجاہد بن جبیر
26۔ کتب رجاء بن حیوۃ
27۔ کتاب ابوبکر بن عمرو بن حزم
28۔ کتاب بشیر بن نہک
29۔ کتاب عبداللہ ابن جریب
30۔ موطا امام مالک
31۔ موطا ابن ابی زئب
32۔ کتب امام محمد بن اسحاق
33۔ مسند ربیع بن صبیح
34۔ کتاب سعید بن ابی عروۃ
35۔ کتاب حماد بن سلمہ
36۔ جامع حضرت سفیان ثوری
37۔ جامع معمر بن راشد
38۔ کتاب امام عبدالرحمن الاوزاعی الشامی
39۔ کتاب الزہد از امام عبداللہ ابن مبارک
40۔ کتاب ھشیم بن بشیر
41۔ کتاب جریر بن عبداللہ
42۔ کتاب عبداللہ بن وھب
43۔ کتاب یحیی ابن کثیر
44۔ کتاب محمد بن سوقہ
45۔ کتاب زید بن اسلم
46۔ کتاب موسیٰ بن عقبہ
47۔ کتاب اشعث بن عبدالملک
48۔ کتاب عقیل بن خالد
49۔ کتاب یحیی بن سعید الانصاری
50۔ کتاب عوف ابن ابی جمیلہ
51۔ کتب امام جعفر الصادق
52۔ کتاب یونس بن زید
53۔ کتاب عبدالرحمن المسعودی
54۔ کتاب زائدہ بن قدامہ
55۔ کتب ابراہیم الطہمان
56۔ کتب ابو حمزہ السکری
57۔ الغرائب از شعبہ بن الحجاج
58۔ کتب عبدالعزیز بن عبداللہ الماحبثون
59۔ کتب عبداللہ بن عبداللہ بن ابی اویس
60۔ کتب سلیمان بن بلال
61۔ کتب عبداللہ ابن لہیہ
62۔ جامع حضرت سفیان ثوری
63۔ کتاب الاثار از امام اعظم امام ابو حنیفہ
64۔ کتاب معتمر بن سلیمان
65۔ مصنف وکیع بن جراح
66۔ مصنف عبدالرزاق 
67۔ مسند زید بن علی
68۔ کتب امام شافعی
69۔ مسند ابو داود الطیالسی
70۔ الرد علی سیر الاوزاعی از امام قاضی ابو یوسف
71۔ الحجۃ علیٰ اہل المدینہ از امام محمد بن حسن الشیبانی
72۔ مسند عبیداللہ بن موسیٰ العبسی
73۔ مسند حمیدی
74۔ مسند مسرد بن مسرہد البصری
75۔ مسند نعیم بن حماد الخزاعی
76۔ مسند اسد بن موسیٰ
77۔ مسند اسحاق بن راہویہ
78۔ مسند عثمان ابن ابی شیبہ
79۔ مسند امام احمد بن حنبل
80۔ مسند محمد بن مہدی
81۔ مسند کبیر از بقئ بن مخلد
 (رضی اللہ تعالیٰ عنھم ورحمتہ تعالیٰ علیھم اجمعین)

علاوہ از ایں مزید بھی کئی کتب کے نام گنوائے جا سکتے ہیں۔ اس فہرست سے بخوبی اندازہ ہو جاتا ہے کہ صحیح بخاری سے پہلےتک تحفیظ و تدوین حدیث پر ہمارے اسلاف کس قدر عظیم کارنامہ سرانجام دے چکے تھے۔ اس کے باوجود یہ کہنا کہ صحیح بخاری اور اگلی پچھلی تمام کتب فتنہ عجم کا شاخسانہ ہیں، محض گمراہی کے سوا کچھ نہیں۔

فیصل ریاض شاہدؔ